WALIOUNGUA KWENYE AJALI YA BASI LA NGANGA WAZIKWA KABURI LA PAMOJA

Kiongozi wa Chama cha ACT -Wazalendo Zitto Kabwe, akishiriki kuzika miili ya watu walioungua kwa moto uliotokana na ajali jana.

Umati wa wananchi 

Mamia ya wakazi wa wilaya za Kilosa na Kilombero wamejitokeza    katika mazisha  ya pamoja ya  watu kumi na tano kati ya kumi na tisa waliofariki katika ajali ya basi ya nganga ambalo liligongana na fuso  kisha kuwaka moto katika eneo la Iyovi  na kuzikwa katika kaburi la pamoja kwenye makaburi ya Msamvu ruaha wilayani kilosa mkoani Morogoro.

Wakizungumza kwa niaba ya serikali mkuu wa wilaya ya kilosa Bw John Henjewele amesema serikali imewalazimu kufanya mazishi ya pamoja ya watu waliofariki kwenye ajali hiyo ambao miili yao haijatambulika na kwamba serikali itaendelea na zoezi la ukaguzi wa magari amkoani wa Morogoro ili kudhibiti ajali za mara kwa mara na kupoteza maisha ya watu huku wengine wakiachwa na vilemalema  vya maisha   ambapo mkuu wa wilaya ya kilombero Bw Lephy Gembe amewataka  wananchi  kuwa na uvumilivu katika msiba mkubwa walioupata.

 

Kwa upande wake Diwani  wa kata ya ruaha Rahel Nyangasa amesema wamepokea msiba huo kwa masikitiko makubwa kwani umekuwa ni pigo kubwa kwa wakazi wa wilaya hizo huku ndugu na waombolezaji wakisema msiba huo siwakusahaulika kwani umewastua sana ambapo naye muinjilisti wa kanisa la kiinjili la kilutheri Issaya Chura akiomba serikali kuendelea kukabiliana na madereva wabovu.